ԴիջիԹեք էքսպոն վերադառնում է՝ այս անգամ նոր շնչով։ Հոկտեմբերի 13-15-ը Մերիդիան էքսպո կենտրոնում տեղի կունենա տարածաշրջանում ՏՏ ոլորտի ամենասպասված միջոցառումը՝ Digitec 2023-ը։

Երևանում ցուցահանդեսը համախմբելու է #թեք համայնքը՝ ինչպես տեղական, այնպես էլ միջազգային ընկերությունները, որոնք մասնակիցներին կցուցադրեն իրենց նորարար լուծումները։

Կարևոր է նշել, որ այս տարի մասնակցությունը լինելու է բացառապես անվճար գրանցումով։

Այս տարվա էքսպոյին ականատես եք լինելու ամենակարևորին՝ ինչպես է թեքը խթանում տարբեր ոլորտների զարգացումը՝ կրթությունից մինչև բժշկություն։ Այո՛, այո՛, թեքը բոլորի համար է։

Digitec ցուցահանդեսը տարիներ շարունակ համախմբում և արտացոլում է Հայաստանի տեխնոլոգիական ներուժը, ձեռքբերումներն ու ապագան: Այստեղ շուրջ 80․000 այցելուները ծանոթանում են գլոբալ տեխնոլոգիական թրենդներին:

Էքսպոյի բաժիններն են՝

• Կոմպլեքս ինժեներական լուծումներ
• ՏՏ սարքավորումներ և համակարգեր
• Արհեստական բանականություն և մեքենայական ուսուցում
• Իրերի համացանց (IoT)
• Ծրագրային և վեբ լուծումներ
• Կիբեռ անվտանգություն
• Հեռահաղորդակցության և ցանցային լուծումներ
• Բջջային տեխնոլոգիաներ և հավելվածներ
• Դիզայն և անիմացիա
• Խաղային տեխնոլոգիաներ և մուլտիմեդիա
• Ֆինանսական տեխնոլոգիաներ
• Տեխնոլոգիական լուծումներ բիզնեսի համար
• Տեխնոլոգիական կրթություն

Կազմակերպիչ՝ Առաջատար տեխնոլոգիաների ձեռնարկությունների միություն (#ԱՏՁՄ)